ဤလအစောပိုင်းတွင် ထွက်ရှိခဲ့သော WFP မြန်မာနိုင်ငံရုံး၏ အစီရင်ခံစာ တွင် အရှေ့အလယ်ပိုင်းအကျပ်အတည်း သည် မြန်မာနိုင်ငံ၏ ဈေးကွက်များအထိ မည်သို့ သက်ရောက် နေသည်ကို ခြေရာခံတင်ပြထားသည်။ ၎င်းသည် ပြည်နယ်/တိုင်းဒေသကြီး ၁၀ ခု မှ မြို့နယ် ၂၆ ခုရှိ ရက်သတ္တပတ်အလိုက် လောင်စာဆီနှင့် အစားအသောက်ဈေးနှုန်း စောင့်ကြည့်လေ့လာချက်များအပေါ် အခြေခံထားသည်။
အစီရင်ခံကာလ (မေလ ၆ ရက် ပတ်) တွင် ဒီဇယ်ဆီစျေးနှုန်းများသည် နိုင်ငံအနှံ့၌ ဖေဖော်ဝါရီလကုန် အဆင့်ထက် ၁၀၀% ခန့်မြင့်တက်နေပြီး၊ စစ်တွေရှိ Octane 95 စျေးနှုန်းသည် အကျပ်အတည်းမတိုင်မီ ရန်ကုန်စျေးနှုန်းထက် ၁၃ ဆခန့်အထိ ရှိနေသည်။ ထိုကာလအတွင်း အစားအသောက်စျေးဝယ်ခြင်းတောင်း၏ ကုန်ကျစရိတ်သည် ၁၈% မြင့်တက်ခဲ့ပြီး ဆန်၊ ဆီအုန်းဆီ၊ ပဲနှင့် ဆားများက ဦးဆောင်ခဲ့သည်။ ထို့အပြင် ဓာတ်မြေဩဇာ အခြေအနေ သည်လည်း တောင်သူများ ပင်မစပါးစိုက်ပျိုးရာသီသို့ ဝင်ရောက်ချိန်နှင့် တိုက်ဆိုင်လျက်ရှိပြီး စိုးရိမ်ရသည့် အနေအထားရှိသည်။
