၂၀၂၃ ခုနှစ် ဩဂုတ်လ ၃၁ ရက်နေ့အထိ အစီရင်ခံစာအချက်အလက်ပါရှိသော နောက်ဆုံးထွက် MIMU 5W အပတ်စဉ်မှ ထုတ်ကုန်အားလုံးကို MIMU ဝဘ်ဆိုဒ်တွင် စတင်လွှင့်တင်လိုက်ပြီဖြစ်သည်။ ၎င်းတို့ကို အောက်ပါလင့်ခ်များမှ ဝင်ရောက်လေ့လာနိုင်ပါသည်။

• အခြေအနေများ(လုပ်ဆောင်ဆဲ၊ ပြီးစီးမှု စသည်ဖြင့်)၊  ကဏ္ဍများနှင့် အဖွဲ့အစည်း အမျိုးအစားများအပါအဝင် ပြည်နယ်/တိုင်းဒေသကြီး၊ မြို့နယ်နှင့် ကျေးရွာအုပ်စုအဆင့်များတွင် အစီရင်ခံထားသော လုပ်ဆောင်ချက်များကို အပြန်အလှန် ခြုံငုံသုံးသပ်ပေးသော 5W ခြုံငုံသုံးသပ်ချက် ဒက်ရှ်ဘုတ်၊ 5W မြို့နယ်အဆင့် ဒက်ရှ်ဘုတ်နှင့် 5W ကျေးရွာအုပ်စုအဆင့် ဒက်ရှ်ဘုတ်။
• တစ်နိုင်ငံလုံးရှိ ပြည်နယ်နှင့်တိုင်းဒေသကြီးတစ်ခုချင်းစီအတွက် ကျေးရွာအုပ်စုနှင့် မြို့နယ်အဆင့်ရှိ ကဏ္ဍများနှင့် ကဏ္ဍခွဲများအလိုက် 5W မြေပုံများ။

ဤလေ့ကျင့်ခန်းတွင် တက်ကြွစွာပါဝင်မှုအတွက် ပံ့ပိုးပေးသည့် အထူးသဖြင့် 5W focal များကို MIMU မှ ကျေးဇူးတင်ရှိပြီး နောက်အပတ်စဉ်တွင် သင့်ထံမှ ဆက်လက်ပူးပေါင်းဆောင်ရွက်မှုနှင့် ပံ့ပိုးကူညီမှုများကို ကျွန်ုပ်တို့မျှော်လင့်ပါသည်။ ကျေးဇူးပြု၍ သင်၏မှတ်ချက်များနှင့် အကြံပြုချက်များကို ဆက်သွယ်ရန်ဖောင် မှတစ်ဆင့် ကျွန်ုပ်တို့နှင့် မျှဝေပါ။

မြန်မာနိုင်ငံတွင် ၂၀၂၂ ခုနှစ်တွင် မြေမြှုပ်မိုင်းများ ဖြန့်ကျက်တည်ရှိရာနှင့် ထိခိုက်သေဆုံးမှု လူသိများသော မြို့နယ်များ၏ မြေပုံနှင့် သရုပ်ဖော်ပုံများ (မြန်မာဘာသာစကား၊ အင်္ဂလိပ်ဘာသာ) တို့ကို ပြုပြင်မွမ်းမံထားပါသည်။ ၎င်းတို့ကို နိုင်ငံတကာ မြေမြှုပ်မိုင်းတားဆီးရေး လှုပ်ရှားမှုအဖွဲ့ (ICBL) နှင့် ပူးပေါင်း၍ ဖန်တီးထားပါသည်။ စာရွက်စာတမ်းများတွင် ၂၀၀၇-၂၀၂၂ ကာလအတွက် မှတ်တမ်းများအရ ထိခိုက်သေဆုံးမှု ဖြစ်ပွားရာ ဒေသများ၊ အန္တရာယ် ဖြစ်စေသည့် ပေါက်ကွဲမှု အမျိုးအစားများနှင့် ထိခိုက်ဒဏ်ရာ ရရှိသည့်အကြောင်းအရင်းများ စသည့် အကြောင်းအရာများ ပါ၀င်သည်။

မြန်မာနိုင်ငံသည် MIMU ၏ ဘာသာစကားများပြ မြေပုံတွင် သရုပ်ဖော်ထားသည့် အတိုင်း  ဘာသာစကားပေါင်း တစ်ရာခန့် နှင့်အတူ တိုင်းရင်းသား လူမျိုးများ စုံလင် ကွဲပြား မှု အတွက် လူသိများသော နိုင်ငံဖြစ်သည်။ လူသားချင်းစာနာထောက်ထားမှုဆိုင်ရာနှင့် ဖွံ့ဖြိုးတိုးတက်ရေးလုပ်ငန်းများတွင် အကျိုးခံစားခွင့်ရှိသူများ နှင့် ထိရောက်စွာ ထိတွေ့ဆက်ဆံနိုင်ရေးအတွက် ဤ အချက် ကို အသိအမှတ်ပြု ရန် အရေးကြီးပါသည်။

နှစ်များတစ်လျှောက်တွင် MIMU သည် ကျန်းမာရေး၊ မိခင်နှင့်ကလေးစောင့်ရှောက်မှု၊ COVID-19 တုံ့ပြန်မှု၊ သဘာဝဘေးအန္တရာယ်နှင့် ဆိုင်ကလုန်းကြိုတင်ပြင်ဆင်မှု/တုံ့ပြန်မှုစသည့် ခေါင်းစဉ်အကြောင်းအရာများကို တိုင်းရင်းသားဘာသာစကားများဖြင့် အသိပညာပေး၊ သတင်းအချက်အလက် နှင့် ဆက်သွယ်ရေး (IEC) စာရွက်စာစောင်များ များကို စုဆောင်းခဲ့သည်။ အဖွဲ့အစည်းအမျိုးမျိုးမှ ပံ့ပိုးပေးထားသည့် ဤသင်ထောက်ကူများ၊ ပိုစတာများ၊ သရုပ်ဖော်ပုံများ၊ လက်စွဲစာအုပ်များအပြင် အသံ/ဗီဒီယိုဖိုင်များလဲ ပါဝင်သည်။

၂၀၂၃ ခုနှစ် သြဂုတ်လအထိ၊ MIMU website ပေါ် တွင် တိုင်းရင်းသားဘာသာစကား ၂၄ မျိုးဖြင့် ဖိုင်ပေါင်း ၂၅၀ ကျော် ရှိနေပါသည်။  ဤစာမျက်နှာ သည် တိုင်းရင်းသား  လူထု အတွက် ပိုမို ထိရောက် သည့် အချက်အလက် စာစောင် များကို ဖန်တီးရန် လှုံ့ဆော်ပေး သည့် အပြင်  အလွယ်တကူ ဝင်ရောက်လေ့လာနိုင်သော နေရာ  တစ်ခုဖြစ်ရန် လည်း ရည်ရွယ်ပါသည်။

၂၀၂၂ နှင့် ၂၀၂၃ ခုနှစ်အတွင်း ထုတ်ပြန်ခဲ့သော နိုင်ငံတကာအစီရင်ခံစာများမှ အသစ်ထပ်ထည့်ထားသော အချက်အလက်များဖြစ်သည့် UNICEF - State of the World Children၊ UNFPA - State of the World Population၊ UNSD - Statistical Yearbook စသည်တို့ ပါဝင်သော အပ်ဒိတ်လုပ်ထားသည့် အခြေခံဒေတာစုကို MIMU ဝဘ်ဆိုဒ်တွင် ကြည့်ရှုနိုင်ပါပြီ။

၂၀၁၂ မှ ၂၀၁၃ ခုနှစ်အတွင်း အရင်းအမြစ် ၁၉၃ ခုတွင် ညွှန်းကိန်း ၂၅၀ ကျော်ရှိပြီး၊ ညွှန်းကိန်းများ၏ metadata နှင့် baseline dataset dashboard မှတဆင့် အမြန်ခြုံငုံသုံးသပ်ချက်ကို MIMU ဝဘ်ဆိုက်မှတဆင့် ကြည့်ရှုနိုင်ပါသည်။ တိကျသော နယ်ပယ်/ကဏ္ဍ အချက်အလက်များ လိုအပ်သော သုံးစွဲသူများအတွက် ကျန်းမာရေးနှင့် ပညာရေးကဲ့သို့သော ကဏ္ဍအလိုက် အခြေခံအချက်အလက်များနှင့် ရခိုင်၊ ကချင်စသည်ဖြင့် ပြည်နယ်/တိုင်းဒေသကြီးအလိုက် ရရှိနိုင်မည်ဖြစ်သည်။ ဒေတာများ တောင်းဆိုလိုပါက ကျေးဇူးပြု၍ လင့်ခ်မှတဆင့် ကျွန်ုပ်တို့ထံ ဆက်သွယ်နိုင်ပါသည်။ - https://themimu.info/map-and-data-requests