MIMU မှ ပထမဆုံး Viber ချန်နယ် "MIMU Community" ကို စတင်လိုက်ပြီဖြစ်သည်။ ဤမြန်မာဘာသာဖြင့် ချန်နယ်သည် မြန်မာနိုင်ငံရှိ လူသားချင်းစာနာထောက်ထားမှု၊ ဖွံ့ဖြိုးတိုးတက်ရေးနှင့် အရပ်ဘက်အဖွဲ့အစည်းများမှ သရုပ်ဆောင်များအား ပံ့ပိုးကူညီရန်အတွက် ပုံမှန်အပ်ဒိတ်များကို တင်ဆက်ပေးမည်ဖြစ်သည်။ ၎င်းတွင် MIMU မှ ထုတ်လုပ်ထားသော ထုတ်ကုန်များနှင့်အတူ မိတ်ဖက်အဖွဲ့အစည်းများမှ မြန်မာနိုင်ငံဆိုင်ရာ ဒေတာ၊ မြေပုံများ၊ ပုံနှိပ်ထုတ်ဝေမှုများ၊ အရင်းအမြစ်များနှင့် အလုပ်အကိုင် လစ်လပ်နေရာများ ပါဝင်မည်ဖြစ်သည်။
မြန်မာနိုင်ငံတွင် ၂၀၂၂ ခုနှစ်တွင် မြေမြှုပ်မိုင်းများ ဖြန့်ကျက်တည်ရှိရာနှင့် ထိခိုက်သေဆုံးမှု လူသိများသော မြို့နယ်များ၏ မြေပုံနှင့် သရုပ်ဖော်ပုံများ (မြန်မာဘာသာစကား၊ အင်္ဂလိပ်ဘာသာ) တို့ကို ပြုပြင်မွမ်းမံထားပါသည်။ ၎င်းတို့ကို နိုင်ငံတကာ မြေမြှုပ်မိုင်းတားဆီးရေး လှုပ်ရှားမှုအဖွဲ့ (ICBL) နှင့် ပူးပေါင်း၍ ဖန်တီးထားပါသည်။ စာရွက်စာတမ်းများတွင် ၂၀၀၇-၂၀၂၂ ကာလအတွက် မှတ်တမ်းများအရ ထိခိုက်သေဆုံးမှု ဖြစ်ပွားရာ ဒေသများ၊ အန္တရာယ် ဖြစ်စေသည့် ပေါက်ကွဲမှု အမျိုးအစားများနှင့် ထိခိုက်ဒဏ်ရာ ရရှိသည့်အကြောင်းအရင်းများ စသည့် အကြောင်းအရာများ ပါ၀င်သည်။
မြန်မာနိုင်ငံသည် MIMU ၏ ဘာသာစကားများပြ မြေပုံတွင် သရုပ်ဖော်ထားသည့် အတိုင်း ဘာသာစကားပေါင်း တစ်ရာခန့် နှင့်အတူ တိုင်းရင်းသား လူမျိုးများ စုံလင် ကွဲပြား မှု အတွက် လူသိများသော နိုင်ငံဖြစ်သည်။ လူသားချင်းစာနာထောက်ထားမှုဆိုင်ရာနှင့် ဖွံ့ဖြိုးတိုးတက်ရေးလုပ်ငန်းများတွင် အကျိုးခံစားခွင့်ရှိသူများ နှင့် ထိရောက်စွာ ထိတွေ့ဆက်ဆံနိုင်ရေးအတွက် ဤ အချက် ကို အသိအမှတ်ပြု ရန် အရေးကြီးပါသည်။
နှစ်များတစ်လျှောက်တွင် MIMU သည် ကျန်းမာရေး၊ မိခင်နှင့်ကလေးစောင့်ရှောက်မှု၊ COVID-19 တုံ့ပြန်မှု၊ သဘာဝဘေးအန္တရာယ်နှင့် ဆိုင်ကလုန်းကြိုတင်ပြင်ဆင်မှု/တုံ့ပြန်မှုစသည့် ခေါင်းစဉ်အကြောင်းအရာများကို တိုင်းရင်းသားဘာသာစကားများဖြင့် အသိပညာပေး၊ သတင်းအချက်အလက် နှင့် ဆက်သွယ်ရေး (IEC) စာရွက်စာစောင်များ များကို စုဆောင်းခဲ့သည်။ အဖွဲ့အစည်းအမျိုးမျိုးမှ ပံ့ပိုးပေးထားသည့် ဤသင်ထောက်ကူများ၊ ပိုစတာများ၊ သရုပ်ဖော်ပုံများ၊ လက်စွဲစာအုပ်များအပြင် အသံ/ဗီဒီယိုဖိုင်များလဲ ပါဝင်သည်။
၂၀၂၃ ခုနှစ် သြဂုတ်လအထိ၊ MIMU website ပေါ် တွင် တိုင်းရင်းသားဘာသာစကား ၂၄ မျိုးဖြင့် ဖိုင်ပေါင်း ၂၅၀ ကျော် ရှိနေပါသည်။ ဤစာမျက်နှာ သည် တိုင်းရင်းသား လူထု အတွက် ပိုမို ထိရောက် သည့် အချက်အလက် စာစောင် များကို ဖန်တီးရန် လှုံ့ဆော်ပေး သည့် အပြင် အလွယ်တကူ ဝင်ရောက်လေ့လာနိုင်သော နေရာ တစ်ခုဖြစ်ရန် လည်း ရည်ရွယ်ပါသည်။
United Nations Development Programme (UNDP) Myanmar website ရှိ Myanmar Information Management Unit (MIMU) စာမျက်နှာကို ယခု ထုတ်လွှင့်ထားပြီး MIMU ၏ ထုတ်ကုန်များ၊ ဝန်ဆောင်မှုများနှင့် အောင်မြင်မှုများကို ပြသထားသည်။ MIMU ကို UNDP ၏ စီမံခန့်ခွဲရေး အထောက်အပံ့ဖြင့် ၂၀၀၇ ခုနှစ်တွင် စတင်တည်ထောင်ခဲ့သည်။ ပြီးခဲ့သည့်နှစ်တွင် MIMU အား UNDP ၏ စီမံကိန်းအစုအဝေးတွင် ပိုမိုနီးကပ်စွာ ပေါင်းစည်းခဲ့ပြီး MIMU ၏ သတင်းအချက်အလက် စီမံခန့်ခွဲမှုစွမ်းရည်နှင့် UNDP ၏ မြန်မာ့ဖွံ့ဖြိုးတိုးတက်မှု စောင့်ကြည့်လေ့လာရေး (MDO) တို့အကြား ပေါင်းစည်းမှုနှင့် ဖြည့်စွက်မှုတို့ကို သက်ရောက်စေပါသည်။ ဤပေါင်းစည်းမှုသည် ကျယ်ပြန့်သော အရပ်ဘက်လူမှုအဖွဲ့အစည်းများနှင့် နီးကပ်စွာပူးပေါင်းဆောင်ရွက်ပြီး ဆန်းသစ်သော ထုတ်ကုန်များနှင့် ဝန်ဆောင်မှုများကို အခြေခံပြီး နိုင်ငံတစ်ဝှမ်း၊ ကဏ္ဍပေါင်းစုံချဉ်းကပ်မှုများဖြင့် ပိုမိုကောင်းမွန်သော ဖြတ်ချက်ချခြင်းနှင့် ခွဲခြမ်းစိတ်ဖြာခြင်းတို့ကို ပံ့ပိုးပေးရန် လူသားချင်းစာနာထောက်ထားမှု-ဖွံ့ဖြိုးတိုးတက်ရေး-ငြိမ်းချမ်းရေး ချိတ်ဆက်မှုအတွက် ပေါင်းစပ်ပံ့ပိုးမှုများကို တိုးမြှင့်ရန် ရည်ရွယ်ပါသည်။
MIMU shapefile များကို ၂၀၂၃ ခုနှစ် မေလမှ MIMU ၏ Pcode ဗားရှင်း ၉.၄ ပေါ်တွင် အခြေခံ၍ အပ်ဒိတ်လုပ်ထားပါသည်။ ၎င်းတွင် ကျေးရွာအဆင့် အပြောင်းအလဲအများစုဖြင့် မြန်မာနိုင်ငံ၏ အုပ်ချုပ်ရေးနယ်နိမိတ်များ၏ မွမ်းမံထားသော shapefile များ ပါဝင်သည်။ ဤအလွှာများကို MIMU Geonode စာမျက်နှာတွင် ယခုရရှိနိုင်ပါပြီ။
MIMU Map Maker သည် သင့်ကိုယ်ပိုင်စိတ်ကြိုက်မြေပုံများကို ဖန်တီးနိုင်စေမည့် shapefile အသစ်များဖြင့် အဆင့်မြှင့်တင်ထားပါသည်။
အသုံးပြုပါက MIMU ၏ ပင်မစာမျက်နှာကို ပြန်လည်ဆန်းသစ်ထားသောအရောင်များ၊ MIMU ၏ထုတ်ကုန်များသို့ ကျယ်ကျယ်ပြန့်ပြန့်လင့်ခ်များပါဝင်သည့် မိုဘိုင်းအတွက် မကြာသေးမီက အပ်ဒိတ်လုပ်ထားသော သတင်းကောင်းအချို့ရှိပါသည်။ လူကြီးမင်းဖုန်းရှိ MIMU ဝဘ်ဆိုဒ်သို့ themimu.info မှ ဝင်ရောက်ကြည့်ရှုရန် သေချာစေချင်ပါသည်။
အွန်လိုင်းသင်တန်းများ၊ ကိုးကားချက်စာရွက်စာတမ်းများနှင့် ပုံနှိပ်ထုတ်ဝေမှုများအပါအဝင် လူသားချင်းစာနာထောက်ထားမှု-ဖွံ့ဖြိုးတိုးတက်ရေး-ငြိမ်းချမ်းရေး (HDP) Triple Nexus အရင်းအမြစ်များကို ဖော်ပြရန် MIMU ဝဘ်ဆိုဒ်တွင် စာမျက်နှာအသစ်ကို စတင်ထုတ်လွှင့်ထားပါသည်။ ၎င်းကို 'Country Information' Tab အောက်တွင် တွေ့နိုင်သည်။ HDP ချိတ်ဆက်မှုသည် ပြည်သူများ၏လိုအပ်ချက်များကို ပိုမိုထိရောက်စွာဖြည့်ဆည်းပေးနိုင်ရန်၊ ဘေးအန္တရာယ်များနှင့် အားနည်းချက်များကို လျော့ပါးသက်သာစေရန်နှင့် ရေရှည်တည်တံ့ခိုင်မြဲသော ငြိမ်းချမ်းရေးဆီသို့ ဦးတည်သွားစေရန် HDP ကဏ္ဍများအကြား ပေါင်းစပ်ညှိနှိုင်းလုပ်ဆောင်မှုများကို ရည်ရွယ်ပါသည်။
MIMU ၏ မြန်မာနိုင်ငံရှိ ကျားမတန်းတူညီမျှမှုဆိုင်ရာ Infographic ကို မြန်မာ ဘာသာ၊ အင်္ဂလိပ်ဘာသာတို့ဖြင့် UNFPA မြန်မာ၏ ပံ့ပိုးကူညီမှုဖြင့် ရရှိနိုင်သော အချက်အလက်များကို ၂၀၁၄ မှ ၂၀၂၁ ခုနှစ်အထိ အပ်ဒိတ်လုပ်ထားပါသည်။ ၎င်းကို interactive dashboard အနေဖြင့်လည်း ယခုရရှိလေ့လာနိုင်ပါသည်။
မျိုးဆက်ပွားကျန်းမာရေး၊ စွမ်းဆောင်နိုင်မှုနှင့် လုပ်သားဈေးကွက်တွင် ကျားမတန်းတူညီမျှမှုအခြေအနေအား ၂၀၁၄ ခုနှစ်မှစတင်၍ တိုးတက်မှု (သို့မဟုတ် လစ်လပ်ခြင်း) ဖြင့် အကျဉ်းချုပ်ဖော်ပြခဲ့ပါသည်။
အပ်ဒိတ်လုပ်ထားသော MIMU Bulletin မေ၊ ၂၀၂၂
MIMU Bulletins သည် MIMU ၏ လုပ်ဆောင်ချက်များ၊ ထုတ်ကုန်များ၊ ဝန်ဆောင်မှုများနှင့် အောင်မြင်မှုများကို သရုပ်ဖော်ပြီး interactive ပုံစံဖြင့် ပံ့ပိုးပေးကာ MIMU Catalogue of Activities & Achievements ကို ဖြည့်စွက်ပေးပါသည်။ ဤထုတ်ဝေမှုတွင်၊ ၂၀၂၀ မှ ၂၀၂၁ ခုနှစ်အထိ ကာလကို လွှမ်းခြုံထားပြီး လူသားချင်းစာနာမှု၊ ဖွံ့ဖြိုးတိုးတက်မှုနှင့် ငြိမ်းချမ်းရေးကို အဓိကထားလုပ်ဆောင်မှုများနှင့် virtual လုပ်ငန်းခွင်အခြေအနေများ၏ ကောင်းကျိုးများကို သုံးထားသော ပိုမိုခိုင်မာသော အစပျိုးမှုများတွင် MIMU ၏ ဆက်လက်ပံ့ပိုးကူညီမှုများကို မီးမောင်းထိုးပြထားပါသည်။
MIMU Online Orientation
လစဉ် ပြုလုပ်သော MIMU Orientation နှင့် New Products Updates sessions များကို MIMU Online Orientation မှ ဖြည့်စွက်ပြည့်စုံစေပါသည်။ ၎င်းသည် interactive ပုံစံဖြင့် ကိုယ်တိုင် လေ့လာနိုင်ပြီး MIMU မှ မည်သည်ကို ကမ်းလှမ်းထားသည်များကို အတိုချုပ်မိတ်ဆက်ပေးထားခြင်း ဖြစ်သည်။
MIMU ကို လူမှုကွန်ယက်များတွင် လိုက်လံ ဖတ်ရှုလေ့လာပါ
MIMU ၏ Twitter၊ Linkedinin နှင့် Youtube ချန်နယ်များကို ချိတ်ဆက်ထားစေချင်ပါသည်။ နောက်ဆုံးထုတ်ကုန်များနှင့် ဝန်ဆောင်မှုများနှင့် ကျွန်ုပ်တို့၏ အသုံးဝင်သော အခြားထုတ်ကုန်များအကြောင်း သတိပေးကြေငြာချက်များကို လွတ်မသွားစေရန် Twitter နှင့် Linkedin တို့မှ နောက်ဆုံးအပ်ဒိတ်များကို ပုံမှန် အသိပေး နေပါလိမ့်မည်။ MIMU Youtube ချန်နယ်တွင် QGIS နှင့် Tableau တို့ကဲ့သို့သော တောင်းဆိုမှု မြင့်မားသည့် အွန်လိုင်း သင်ရိုး ရုပ်သံဖိုင်များနှင့် အတူ ကျွန်ုပ်တို့၏ ပါတနာအဖွဲ့အစည်းများမှ ပေးသော ရုပ်သံဖိုင်များကိုလည်း လွှင့်တင်ထားပါသည်။
၂၀၂၁ ခုနှစ်တွင် မြန်မာနိုင်ငံတွင် မြေမြှုပ်မိုင်းများ ဖြန့်ကျက်တည်ရှိရာနှင့် သေဆုံးဒဏ်ရာရမှုများ ဖြစ်ပွားသည့် လူသိများသည့် မြို့နယ်များ၏ မြေပုံနှင့် သရုပ်ဖော်ပုံများ (မြန်မာဘာသာ၊ အင်္ဂလိပ်ဘာသာ) တို့ကို အပ်ဒိတ်လုပ်ထားသည်။ ၎င်းတို့ကို နိုင်ငံတကာ မြေမြှုပ်မိုင်းများ တားဆီးရေး လှုပ်ရှားမှု (ICBL) နှင့် ပူးပေါင်း၍ ဖန်တီးထားသည်။ စာရွက်စာတမ်းများတွင် ၂၀၀၇-၂၀၂၁ ကာလအတွက် ထိခိုက်ဒဏ်ရာရရှိစဉ်ကာလ၊ ပေါက်ကွဲစေတတ်သော အကြောင်းအရင်းအမျိုးအစားများနှင့် အစီရင်ခံသည့် လှုပ်ရှားမှုများစသည့် အကြောင်းအရာများပါ၀င်သည်။
